ദുൽഖർ സൽമാനെ നായകനാക്കി ശ്രീനാഥ് രാജേന്ദ്രൻ ഒരുക്കുന്ന കുറുപ്പിലേക്ക് പുതുമുഖങ്ങളെ തേടി അണിയറപ്രവർത്തകർ. മുടി നീട്ടി വളർത്തിയവർക്കും പാലക്കാട്ടുകാർക്കുമാണ് മുൻഗണന. വിഖ്യാത കുറ്റവാളി സുകുമാരക്കുറുപ്പിന്‍റെ കഥയാണ് സിനിമ പറയുന്നത്. ചിത്രത്തിൽ സുകുമാര കുറുപ്പിന്‍റെ കഥാപാത്രത്തെയാണ് ദുൽഖർ അവതരിപ്പിക്കുന്നത്.
എണ്‍പതുകളിലെ ഗ്രാമാന്തരീക്ഷം പുനർസൃഷ്ടിച്ച് ഒറ്റപ്പാലത്തും പരിസര പ്രദേശങ്ങളിലുമായാണ് സിനിമ ചിത്രീകരിക്കുന്നത്. താത്പര്യമുള്ളവർ ഓഗസ്റ്റ് 10 ശനിയാഴ്ച്ച രാവിലെ 9:30 മുതൽ 4:30 വരെ ഷോർണൂർ കുളപ്പുള്ളി സമുദ്ര റീജൻസിയിൽ പങ്കെടുക്കാമെന്നും അണിയറപ്രവർത്തകർ അറിയിച്ചു.
